潮館 (元朗廣場)

营业中

休息中

今日去了潮馆食午饭饮茶，几年前食过一次，中规中矩，卫生、食物、服务都尚算可以，但今日再去已经大不如前。今时今日无论去边间餐厅食肆，卫生一定放第一位，食物好唔好食都系其次。我地一坐低洗碗筷，污糟到比佢吓亲😰😰😰。个杯低污糟到难以置信🤢，系一大堆食物残余渣🤦🏻‍♀️🤦🏻‍♀️。之后叫个服务员帮我地换过啲碗筷，佢有讲唔好意思，但系卫生印象已经接受唔到。洗第二批碗筷虽然无污物，但仍然摸到有少少油淋淋。跟著我地照点点心，其中叫了一笼虾饺，虾饺就无问题，但个蒸笼就大问题，虾饺蒸笼里面有一粒饭外，蒸笼个边还有两块残渣物🤦🏻‍♀️🤦🏻‍♀️。去商场里面饮茶真系好少遇到咁既卫生质素🤢。最后总结系，食物再好食都唔会想再帮衬，何况食物方面唔系太出色，所有野都普通喇。最后点了一个饭，食净一半有多，真系唔识欣赏，又廉廉地又湿湿地😕。依家有好多野都电脑化系好事，落单自己用电话，冲茶旁边有自动冲水、煲水。最后叫埋单，行出门口比钱。但加一服务费又系要照比，服务费值唔值就真系可圈可点喇。