嫲嫲雲吞雞 (崇齡大廈) (已結業)

中午同成班同事嚟呢度食晏，入座就闻到阵噏味，坐多阵就恶化成酸臭味，我哋投诉之后，𠮶侍应都唔系好信咁，自己除埋口罩都唔觉有味，可能系度做耐咗嗅觉有啲失灵。连隔离枱都投诉埋一份，𠮶位侍应先作出一啲处理，阵味过咗一阵就无咗啦。之后就落单，跟住好快就上菜。本身以为会告一段落，点知我𠮶碟麻婆豆腐就出事喇，差唔多食到底先见到只虫(第二张图中的黑色物体)。同侍应反映返，佢仲话「你都食哂啦」，完全无半点歉意，言下之意系咪仲觉得我想R咩著数？我都懒得同佢嘈，希望写篇食评令其他人唔好同我一样中伏。