泰歡迎

营业中

休息中

同屋企人4个人叫咗个泰式猪手 咖喱牛腩 生菜包 菠萝炒饭 一条鲈鱼share 味道正正常常泰国嘢 冇咩特别 但系价钱就比附近嘅泰国菜平少少👌🏻所以都ok 以前未转手之前好食好多 但系附近卫生环境好差 成日都见到好多曱甴 甚至有老鼠 有好多杂物 搞到真系冇晒食欲🥲以前都冇咁严重 唔知道厨房入面系点 但系出面冇嘢食嘅地方都可以咁样 入面既情况更加令人担忧 如果搬迁既话都可以去帮衬下 但系而家呢度就真系唔系太够胆再食🤦🏻‍♂️尤其是期系疫情期间 不过最乞人憎其实系佢拎埋户外果d唔属于自己嘅位置 对食客来讲唔系问题 但系𠮶啲坐出少少既食客系可以食烟 个环境又唔通风 如果有小朋友嘅话都要逼住食二手烟