珍味餐廳小廚

营业中

休息中

今日行完山累爆，系东涌又吾知食咩好，最后去左朋友话好味的大排档食饭，最后一行四人大约8点到，大约有几桌客食紧，而因为朋友有食过，佢推介了2款小菜比我地再加其他野和啤酒。蚝仔粥$70：菜劲多，但蚝仔吾叫十分多，但幸好粥底都够绵同香口，吾太咸。四个人一个粥都食吾晒，因为份量劲多。酸菜鱼$128：因为加辣关系更加香口，酸菜劲多同香口，鱼都叫滑同嫩，份量都正常，待应仲好好人多左少少红薯粉比我地，口感足又吾太烂。鉄板蚬$75：黎到已经哗一声，好香蚬肉味和鲜甜味出晒黎，份量吾可以话十分多，但粒粒都好鲜甜，只需原来用大量盐已经整得咁好味，少有特别菜式，怪不知朋友黎亲系必叫小菜。醉排骨$72：类似咕噜肉但淡身同有咁杰身，肉都好有味同香口，最惊喜系如果觉得滞佢仲有青瓜一起炒，令到整个菜清新不少。椒盐茶树菇$75：这个都系朋友必叫之选，没想到可以整得咁干身又吾油，佢有茶树菇和准山好特别，送酒必叫之选。蒜茸粉丝胜瓜$65：份量激多，胜瓜吸晒味又吾太咸，粉丝布满成个面好入味同吾太淋。最后每人$138结帐仲要食吾晒饱饱离开，仲要待应即老板超热情地介绍野食比我地添，卫生程度还可接受。