菜菜鍋 (康怡廣場) (已結業)

用膳当日系平日下午茶时段，人流唔多，店内有好多吉位，但唔知点解唔放人入去，我估系因为准备三点落场，但因为咁样而要令客人等超过二十分钟实在讲唔通，呢方面希望该餐厅会著手改善。餐厅空间唔多，放食物的地方好D奇怪，例如菜、丸等嘅类别全部都放系近门口位置，我自己走去夹的时候感觉真系唔多卫生，因为同外边空间嘅接触太接近喇，而且佢亦无盖或任何物件遮掩住食物，感觉会有机会污染左食物而不知觉。由上可见，难怪早前该餐厅被发现雪糕含大肠菌群含量超出法例上限八成，用膳当日亦已一早停用。不过讲番食物方面，菜嘅选择系几多嘅，娃娃菜、菜心、生菜等；肉方面有几款丸，而我就拣左上等牛肉(HKD69)；值得一提系个日式寿喜烧汤底，真系唔系交HEA货，浓淡适中，香气飘逸，放埋粉丝入去食味道一流！另外，佢个咖哩汁加落白饭食到又系醒神，白饭D米粒粒分明，质素几好，值得一试。价钱方面2:00PM - 4:00PM 入场只系HKD69(加一服务费)，对比番食物质素都可以接受。