稻香.茶居 (富萊花園) (已結業)

同父母外出食晚饭，拣左稻香 茶居，起码坐得适服啲同埋有位。职员态度可以，但酒楼卫生真系麻麻⋯餐具有渍，唔止一个😓 要叫职员换过比我⋯餐具真系要用滚水碌过架。茶居用上自动煲水器，既可煲水亦可加水，其实系方便，但要再三问职员点用先知当中一二，我以为系自己蠢和无知先唔明白，但目测其他枱既食客都问紧同一样野🤔🙄而食物上，普普通通，唔系好好食亦非难口；而价钱上，系几优惠；而食材上，好明显系将价就货⋯📍双重鲜味价 $128 (推广)1️⃣ 黑松露豚叉烧用炉盛著上枱，令到啲叉烧热住食，唔错。而叉烧铺上黑松露酱，主要系瘦叉，算腍而且蜜汁丰富呀⋯2️⃣ 金汤明虾金汤都有丰富虾味，都几好饮；内里有一打12只上汤虾，配上鱼腐、胜瓜。配菜味道唔错，但上汤虾既口感认真麻麻，雪藏虾而且肉质较霉!?🤔 我阿爸食了2只就冇再食了📍荷香古法龙趸件 $108用蒸笼铺上大荷叶上，一笼大概有8件龙趸肉，用上蒜蓉蒸，几惹味；龙趸肉质尚算ok, 而且啖啖肉，要捞白饭食既。📍锅烧黑椒牛仔骨 $108即叫即整用锅上，老远都闻到获气味。其实都几多汁和浓味，用上大量配菜，例如洋葱，青红椒，亦有姜片⋯至于牛肉骨呢，肉质唔算腍身，亦有筋，我尚算ok