The Galley by Cafe Proud Wings (已結業)

之前路过呢间餐厅就比佢机身外墙留下深刻印象。所以趁住朋友生日就嚟试下佢。我地就拣咗商务舱晚餐有前菜 沙律 汤 主菜 和甜品 仲配茶或咖啡都算丰富嘅前菜我地拣咗香煎蟹饼配芒果莎莎酱，好好味。沙律系凯撒沙律，有烟三文鱼，正。汤我地都系拣咗黑松露野菌忌廉汤，黑松露香气浓郁，饮落香滑。再到主菜，我地叫咗西班牙蒜片鸡同烧虎虾龙虾汁意大利粉。西班牙蒜片鸡：蒜片好似系炸过嘅，食落香脆。嫩滑鸡肉配上番茄酱，好惹味。烧虎虾龙虾汁意大利粉，虎虾都好大只，食落仲好Juicy，意粉不过不失。服务非常贴心和热情，食物质素亦能食出用心。