加藤屋 (元州街) (已結業)

今日工作忙得不可开交，连出去午餐既时间都无，在苦恼叫边间外卖填肚既时候，同事话去加藤屋买外卖。在此之前，同类餐厅，我只系食过橙吉家，出于试新野同跟大队既心态，就叫左个麻辣牛肉饭，个饭仲可以拣大中少辣，除左饭类款式多之外，真系估唔到连辣度都可以拣。食辣野当然配返杯可乐，无错，系可乐，唔系百事。无耐同事返黎，递左袋饭比我。而我望一望贴系胶袋上既单，外卖竟然平$5，减完个价钱都算贴地。望见个盒系鲜黄色，再加上红红可乐杯，在黄红相映下，感受到加藤屋想系牛肉饭市场，展示出自己既与别不同，用颜色令食家系用餐感受留下一个独特既印象。打开饭盖倒下牛肉，徐徐用匙更捞下啲饭。但汁不够多，唔能够每粒饭都沾到汁。饭唔系粒粒分明之外，仲要有啲烂，扣分。食口牛肉，麻辣同牛肉出奇地夹，辣似麻辣烫果种辣，牛肉连饭一齐食，系非常惹味同好送饭，味蕾有种冲击，我系食紧饭，唔系食米线既感觉。食完个牛肉饭，有种破旧立新既睇法，唔应该习惯消费特定品牌，应该勇于尝试，对于食左十几年同一间牛肉饭既我，有一番新体会，亦希望有更多既体会。的确食饭都可以悟出人生。