Nafafa Thai Cuisine & Lounge (已結業)

之前去泰國食唔到河蝦🥹上網見到呢度有就衝去食🤭裝修好decent空間感大，食泰菜得嚟好chill😎前菜小食係免費嘅，類似香茅肉碎下面係菠蘿，清一清你嘅味蕾。🦐炭燒泰國大河蝦 必點！係我心心念念想試嘅大河蝦，果然肉質好彈牙好厚肉，蝦膏鮮甜。雖然價錢都唔平，但係質素好。💫Phad Thai 質感炒得好麵乾身，調味啱啱好，入面有幾隻蝦、豆腐、芽菜、花生粒。🍗沙嗲雞肉串x3 雞肉仲係好嫩滑，有時啲沙嗲醬味道會太重，但係呢一個沙嗲醬係啱啱好。🍲冬陰功湯 入面有一隻分開咗一半嘅大蝦，湯分到大約四碗。唔太辣，我呢啲唔係好食得辣嘅人都食到。🥭芒果糯米飯好食喎有三種味嘅糯米飯，原味、蝶豆花、班蘭加酸酸甜甜嘅芒果同椰汁係最signature嘅泰式甜品。