影片
更多
2022-05-31
1279 浏览
中意食酱油蟹🦀既我对呢间店一直都略有耳闻，今次终于都食到啦！大概八点三、四左右去到餐厅，成间餐厅都坐满哂人。我地冇book台要等，侍应姐姐同我地讲好快有位，之后黎既客人都同佢地讲冇位，好彩行快左两步咋。最后我地都系等左15-20分钟左右就入得，不过大家最好都系book定台稳阵啲（虽然我地打左好多次电话都冇人听）！✨酱油蟹🦀酱油既味道唔算好咸，比较偏甜，同我之前食过既相对冇咁惹味。蟹唔算大只，不过都叫好肉，而且都有唔少膏。蟹肉肉质鲜嫩，唔会梅，亦唔会有腥臭味，食得出新鲜既。酱油蟹有个紫菜饭跟，份量唔多，旨在捞汁过下口瘾，不过如果可以加少少麻油相信会再好食！✨生牛肉第一次食韩式既生牛肉，平时都系食开beef tataki个类比较多，起初都惊自己接受唔到。但点知入口食唔到膻味，加左生蛋之后肉质仲滑左，味道偏甜，仲有阵阵既麻油香味。不过食得多都几滞，最后我地2个人食唔哂！✨王牛排其实姐系腌好左既牛小排，牛小排既肉质结实，油脂丰富，好有咬口但唔会韧。味道偏甜，而且份分都几多，斋食呢样烤肉会有啲滞，相信配返其他冇调味既烤肉会开心啲！题外话，见到有唔少人话餐厅既服务态度唔好，但我地个日去可能好彩，员
中意食酱油蟹🦀既我对呢间店一直都略有耳闻，今次终于都食到啦！
大概八点三、四左右去到餐厅，成间餐厅都坐满哂人。我地冇book台要等，侍应姐姐同我地讲好快有位，之后黎既客人都同佢地讲冇位，好彩行快左两步咋。最后我地都系等左15-20分钟左右就入得，不过大家最好都系book定台稳阵啲（虽然我地打左好多次电话都冇人听）！
✨酱油蟹🦀
酱油既味道唔算好咸，比较偏甜，同我之前食过既相对冇咁惹味。蟹唔算大只，不过都叫好肉，而且都有唔少膏。蟹肉肉质鲜嫩，唔会梅，亦唔会有腥臭味，食得出新鲜既。酱油蟹有个紫菜饭跟，份量唔多，旨在捞汁过下口瘾，不过如果可以加少少麻油相信会再好食！
✨生牛肉
第一次食韩式既生牛肉，平时都系食开beef tataki个类比较多，起初都惊自己接受唔到。但点知入口食唔到膻味，加左生蛋之后肉质仲滑左，味道偏甜，仲有阵阵既麻油香味。不过食得多都几滞，最后我地2个人食唔哂！
✨王牛排
其实姐系腌好左既牛小排，牛小排既肉质结实，油脂丰富，好有咬口但唔会韧。味道偏甜，而且份分都几多，斋食呢样烤肉会有啲滞，相信配返其他冇调味既烤肉会开心啲！
题外话，见到有唔少人话餐厅既服务态度唔好，但我地个日去可能好彩，员工既态度都可以，仲会时不时帮我地烤肉同斟酒添！
酱油蟹
31 浏览
0 赞好
0 留言
张贴
