蓮苑 (已結業)

由于商场购物后再到食店有优惠，或先到食店再购买也有优惠，所以我地冲著优惠而来的。胡麻酱拌鸡丝粉皮 ＄28（鲍鱼花胶捞饭有优惠），虽然价钱平，但超细碟，每人两、三下就食完。麻酱香浓，但粉皮偏硬过厚，鸡丝几正常，不过有鸡皮，影响口感。黄金虾球 ＄128，份量颇多，好抵食。虾的炸衣好香脆，咸蛋味浓郁，有咸蛋油香，虾肉好爽脆弹牙，但无咩虾味。鲍鱼花胶捞饭 ＄88，份量亦都好细，鲍鱼都好细，约手指头的size，花胶反而够足料，有5－6块，但腥腥地，口感唔够胶质，有d硬有d软。个汁好浓味好咸，但花胶同鲍鱼都唔入味，亦唔够挂汁，好似分开两样野咁。