海皇粥店 (華安大樓)

营业中

休息中

今晚屋企无人煮饭, 放工后拉埋朋友陪我食饱先返屋企, 朋友想食粥, 大家都想食想快饭, 所以去左海皇粥店, 以前公司附近有海皇粥都成日食, 但执左之后就少食啦 !我地去左观塘分店, 呢间分店唔算大, 睇左一轮餐牌就点选了以下 :1)及第粥配半条油条 $36 加以优惠价 $14 要了叉烧肠2)南瓜粟米肉碎粥配炒米粉 $36餐具系枱自已取, 不过眼见柜桶应该少清洁, 建议要抹一抹餐具。如果要水, 可以向职员索取。食物好快到左啦 ! 我地都系SHARE黎食 ~及第粥配半条油条及第粥粥底算滑, 油条仲好脆，猪润就麻麻地。南瓜粟米肉碎粥呢个粥我好中意食, 粟米较少肉碎算多, 但粥底无以前咁滑。有少少失望炒米粉比较油腻一点, 反而欣赏椰菜都多, 啖啖都有。叉烧肠最好味系叉烧肠, 肠粉够软滑, 叉烧够惹味。食一个快饭, 拣海皇粥都唔错。