狀元樓 (已結業)

夜晚去食，谂著啲嘢食唔平，质素有保证，点知中咗伏。一坐低发现大部分餐具有层油污，好污糟，根本系求其洗。更甚者，有一只碗同一把刀有饭𩠌渍。个男经理过嚟换，道歉都冇句，仲大力扔系枱面，真系扣哂分。鸡煲翅麻麻地，翅少就梗，但完全唔够浓味，值唔值$498？鲍鱼？好似自己开罐头都差唔多味道。食嘅时候，啲待应不断收走哂啲碟，好赶收工。由于埋单用支付宝，佢要你行去收银自己扫bar code俾钱。埋单唔平，但环境欠佳，衞生仲差过茶餐厅，服装差过快餐店，嘢食水平麻麻。我全程冇出声投诉，因间嘢水平唔合格。扺唔扺？见仁见智啦。