影片
更多
2013-11-25
2438 浏览
众多亲友当中，小肥同FF表妹感情最好，适逢表妹生日，小肥表哥当然系比佢话哂事，同佢食饭庆祝啦 ！表妹所拣选o既Masu距离兰桂芳只系一个街口，离巴士站、小巴站、地鐡站、电车站都相当近，交通本应好方便，可惜去餐厅必先行上一条楼梯，虽然梯级数目唔算多，但对于年纪大又或者系行动不便o既客人黎讲就有啲难度啰 ！餐厅有个坐得十几人o既sushi counter，同埋约十张散枱，地方宽敞，光线充足柔和，梳化櫈亦阔落舒适，以黑色为主o既装修配上爵士背景音乐，简单中带一份潮味。当晚招呼我地o既两位服务生都唔识讲中文，估计系尼泊尔人。佢地一男一女都非常友善，除咗落单时推介食物，食饭中途亦亲自为我地换碟，饭前饭后更自动送上热毛巾，极为体贴 ！当XO仔提及到喺餐厅网页度睇到佢地做紧个吞拿鱼同海胆promotion，哥仔就解释话其实个promotion啱啱已经完咗，不过因师傅唔介意为我地烹调，所以就攞咗个牌出黎比我地拣，我地两老表心感无限感激之余，当然系立刻连声道谢啦 ！表妹最爱食菜，所以先点咗一味沙律，而表哥则提议叫一客寿司及小食送自携o既日本sake「麒麟秘藏酒」。除咗试餐厅特别为我地炮制o既海胆
表妹所拣选o既Masu距离兰桂芳只系一个街口，离巴士站、小巴站、地鐡站、电车站都相当近，交通本应好方便，可惜去餐厅必先行上一条楼梯，虽然梯级数目唔算多，但对于年纪大又或者系行动不便o既客人黎讲就有啲难度啰 ！餐厅有个坐得十几人o既sushi counter，同埋约十张散枱，地方宽敞，光线充足柔和，梳化櫈亦阔落舒适，以黑色为主o既装修配上爵士背景音乐，简单中带一份潮味。
当晚招呼我地o既两位服务生都唔识讲中文，估计系尼泊尔人。佢地一男一女都非常友善，除咗落单时推介食物，食饭中途亦亲自为我地换碟，饭前饭后更自动送上热毛巾，极为体贴 ！当XO仔提及到喺餐厅网页度睇到佢地做紧个吞拿鱼同海胆promotion，哥仔就解释话其实个promotion啱啱已经完咗，不过因师傅唔介意为我地烹调，所以就攞咗个牌出黎比我地拣，我地两老表心感无限感激之余，当然系立刻连声道谢啦 ！
表妹最爱食菜，所以先点咗一味沙律，而表哥则提议叫一客寿司及小食送自携o既日本sake「麒麟秘藏酒」。除咗试餐厅特别为我地炮制o既海胆及吞拿鱼限定菜式，明知Masu系一家炉端烧料理，我地亦不忘叫咗三款烧物试吓餐厅o既主打食品！
Shabu Shabu Salad with Spicy Sesame Sauce涮涮锅沙律（$100）：依味沙律无论系菜定系牛肉，两者o既份量都可称得上为劲量级 ！牛肉啱啱好够熟，肉质唔老，同个微辣o既芝麻汁好夹，小肥只系嫌啲菜好苦（表妹话OK，所以佢包销啲菜 ，表哥就负责食牛肉）。
Japanese Globefish珍味鱼干（$80）：暖暖o既鸡泡鱼干，其烟韧o既质感同带甜o既味道只属一般。
Semi Fatty Tuna Sushi（$ 80/pc）：鱼生中小肥最爱吃油甘鱼，可惜当日冇哂货 ，所以我地最后叫咗两件中拖罗寿司。中拖罗寿司虽然唔系入口即溶，但胜在份量足，质感尚算中规中矩。
Special Promotion之Tuna Tartar Trio – Spicy, Yuzu, & Crunchy Mayo（$85）：我地两个都同意应该由右手边o既柚子味食起，向左移会越食越浓味。右手边o既柚子吞拿鱼粒粒酸酸甜甜；中间o既意日混合儿之「混酱」吞拿鱼他他以橄榄油、醋、及沙律酱调味，加上鱼子喺面，质感最滑，味道偏甜；左手边o既Kimchi吞拿鱼他他"fuse"得唔错，唔会太辣，沟埋中间𠮶款「混酱吞拿鱼」更另有一番风味 ！小肥建议餐厅应该考虑长期供应依味咁有创意o既醒胃fusion菜式！
Special Promotion之Masu Hon-Maguro House Roll – Fatty Tuna, Sea Urchin, Salmon Roe & Sweet Shrimp（$120）：小肥好怕食三文鱼子，嫌佢重口味，但系表妹一再强调靓o既三文鱼子系绝对唔腥唔咸，而且系佢生日，表哥当然系顺表妹意叫黎试吓啦 ！Masu独家推出o既Masu Hon-Maguro House Roll好正，虽则唔系好食得出有甜虾，但海胆滑溜，三文鱼子唔咸唔腥，吞拿鱼碎又够浓味，配搭优质新颖，表妹真系好有眼光 ！
Special Promotion之Sea Urchin Wrapped in Seaweed Tempura w/ Green Tea Sea Salt（$ 98）：海胆天妇罗外层o既紫菜薄脆干身，主材海胆香甜嫩滑，既新鲜又新奇！轻轻粘上绿茶盐，野味得黎散发著阵阵清香，犹如置身于大海中叹茶 ，真系写意！
Masu Robata Skewers – Ox Tongue牛舌（$ 45/串）：牛舌厚得黎好韧，而且落得太多胡椒同蒜头，所以好咸 ，全晚最唔掂之菜式！
Masu Robata Skewers – Kagoshima Black Pork Belly五花腩（$ 42/串）：厚厚o既五花腩肥瘦分明，尚算香口野味，可惜食完成口油，XO仔对此烧五花腩有所保留！
Masu Robata Skewers – Homemade Minced Chicken Ball鸡肉软骨棒（$ 48/串）：烧物中以此款鸡肉软骨棒最为美味！鸡肉碎中除咗混入咗鸡软骨，入面仲有大大粒芝麻，配上哥哥仔喺我地面前以鸡蛋搅制之酱汁，效果香脆爽甜且唔太粘，掂呀 ！其他收费及优惠：
开瓶费：喺餐厅每帮衬一樽酒，即可豁免一樽自来酒o既开瓶费。
2013年12月31日前用AE埋单可享有9折优惠
有样野不得不提o既就系餐牌纸造o既内页颇为「巢」皮残旧，且有不少酱汁痕迹，用膳时又有两只唔知蚊定乌蝇o既物体飞黎飞去，令XO仔几反感 ，故此扣咗餐厅两分卫生分。总结，位于中环o既Masu其实位置同室内环境都几唔错，唯一大厦前面条楼梯有少少歧视行动不便之食客；年纪唔细o既大肥爸爸一听到要行楼梯就第一个洒哂手拎埋头话冇兴趣试 。虽则Masu主打炉端烧料理，但小弟觉得师傅所精心炮制o既鱼生卷物交烧物更为出色，其吞拿鱼及海胆限定菜式尤其崭新美味，兼且大件夹抵食。此外，外籍服务生落力有礼，工作不假手于人，事事亲力亲为，值得嘉许。见FF表妹食到赞不绝口，小肥表哥用AE埋单又有九折优惠，可以话系「双赢」呀 ！
张贴
