嘗聚一刻

营业中

休息中

20180930 Sunday, 今日做了过江龙，如果不是相熟人士试过，都会好少过到观塘区揾食，需然工业区，一 D都唔难揾，比较多停车场，进入饭店，有4张大枱，有两张4人卡位，都好濶落，因为之前表姐己经安排菜式，所以好快就起菜，（1）五宝茶＝圆肉，桂花，杞子 及红枣， 女侍应提意可以沟入热水或少少红茶；（2）刀拍青瓜小云耳（3）话梅翠凉瓜）4）蒜泥白肉卷（5）有机腐皮鲜淮山（6）凉拌猪耳（7）椒盐白福豆腐，以上六种头盆必选，因为食到停唔到口，（8）姬松茸螺头炖竹丝鸡（9）杏汁炖猪肺，两种炖汤我都非常喜爱，味道都好原汁原味，（10）金银蒜粉丝蒸小象拔蚌，如果比多少少粉丝比多少少蒜就好喇，（11）上汤花胶杞子浸时蔬，可以接受（12）年年有余＝清蒸大海班，如果要我弹，就系条鱼，用两条细鱼，容易比较控制，（13）金钱花胶扣鹅掌，如果炆耐少少时间就好喇（14）瓦煲花雕鸡，我只可以讲 顶呱呱,酒味恰到好处👍👍👍（15）啫啫芥兰煲,好👍（16）家肥屋润糯米饭，如果落多DD 腊味就更入味，（17）豉油王银芽炒面，欠缺少少火喉，最后一个甜品，木瓜雪耳海底椰炖桃胶，啱哂咁干燥既天气，总括嚟讲今晚大满足😋😋