上樓 (已結業)

今年开始, 我地呢班低能表姐妹决定每逢有人生日就出黎庆祝, 头炮系食上海野~ 上楼我自己都黎过一次, 讲真d野真系好抵食, 唔收茶钱同加一, 而且坐得都几舒服! (本人太迟写呢篇食评, 听闻价钱加左, 详情请参考其他较新鲜既食评啦~)今次我地5个人叫左12碟野, 埋单都只系$444 (哗~ 对庆祝生日既我地黎讲, 呢个数有d唔吉利, 早知叫多碟野啦~~)左上: 镇江肴肉~ 肉质干身左d, 好鞋口, 味道一般。右上: 鸡丝粉皮~ 好食, 如果可以再落多d麻酱就仲好!左下: 椒盐排骨~ 超香口, 好食到要夹埋d炸蒜头黎食!右下: 红油抄手~ 唔食得辣既我都觉得完全唔辣。]左上: 上海粗炒~ 唔算太多油, 都可接受。右上: 炸银丝卷~ 炸得岩岩好, 颜色金黄, 一定要点炼奶食!左下: 咸肉娃娃菜~ 咸肉得两三片, 但真系好咸~右下: 蒸银丝卷~ 因为有人唔食炸, 所以叫多条蒸既, 但都系炸晒好食d~左上: 灌汤小笼包~ 皮略厚, 汤汁少, 但味道唔错。右下: 高力豆沙 x2~ 好好食, 豆沙唔会过甜。