意粉屋 (已結業)

钟意去意粉屋无他的，纯粹因坐得舒服、坐得耐。两年前意粉屋仲未有任何素食选择，我去到系无啖好食。当时嬲嬲地写咗张客户意见，建议佢哋至少加返一份GREEN选择，唔知佢哋真系睇到我嘅意见定其他好多因素(如GREEN MONDAY愈来愈HIT)，今时今日嘅意粉屋真系有一份特定嘅GREEN餐。环境：当日同老爸LUNCH去，好多位，无咩人，位与位之间又好阔，超舒服。食物：一坐低就ORDER两份GREEN，仲有意大利菜汤，问咗系无肉的，但好遗憾嚟咗两条春卷物体，而我忘记咗问有无肉就大口大口咬落去，怀疑可能都有啲肉。建议设计GREEN菜色时，要由汤、前菜至主菜都系GREEN先得，唔系你叫素食者净系食主菜，其他唔要﹖ANYWAY，个素意粉系好简单，得啲菇类，卖相、味道都亳无特色，但起码有诚意推出，都叫照顾下我哋啲素食者先啦，所以我都会再去食咖。服务：无特别体验，因为过程好快、得几个客、食完埋单走人。总结：特别欣赏本来唔系素食的餐厅加入素餐，证明佢哋同市场同步，知道饮食界发生紧咩事，加上要传统厨师做一款素食唔容易，特别系链锁店，有好多步骤要协调，所以今次系为佢哋嘅诚意加分。