日見 (已結業)

放假同朋友去咗尖沙咀食Omakase🥢, 質素果然無令人失望。餐廳壽司飯係用特製粉紅色飯製成, 師傅話係有助通血管, 對身健體有益💪。食完賣相精緻前菜, 我哋就食魚生。魚生有赤身、牡丹蝦🦐、帶子等, 味道鮮甜, 令人一試難忘。食完魚生, 師傅開始包壽司。火炙鯖魚壽司嘅鯖魚係新鮮開, 無腥味, 可見食材確係精挑細選。伊佐木壽司魚脂肪比較高, 肉質細嫩, 入口甘香, 有獨特深海魚味道。魴鮄魚食落爽口, 口感誘人。至於金線鯛(香港又稱紅衫魚), 味道鮮美。太刀魚都好出色, 肉味濃郁, 魚膏鮮味。之後款壽司上面有橙色蒜蓉🧄醬, 而醬料同魚生味道又格外配合得宜, 可見師傅係用料方面花咗唔少心思🔪。跟住食煙燻檀香木金鯛魚壽司先至係成餐飯重頭戲。師傅先燒檀香木🪵將壽司燻🔥約一分鐘, 再打開玻璃蓋將壽司攞出嚟。呢種整法創新新穎, 而且燻出嚟壽司燻香味特濃, 令人拍案叫絕。到尾段, 我哋仲食咗銀鱈魚、左口魚裙邊、kama-toro壽司。銀鱈魚味道幼嫩、油甘味濃, 而且只有幼魚先可以用嚟做刺身, 所以格外珍貴。Kama-toro係成條魚精華部分, 油質肥美之餘油脂亦異常豐富, 係成餐飯入面魚生之最, 亦比