Number 9 Coffee

营业中

休息中

做嘢做到三点都未食晏，于是冇谂太多就入咗呢间铺。三点开始有早餐/下午茶menu 供应，所以叫咗个mini breakfast （$50），个餐本身跟黑咖啡或茶，但我加咗十蚊要Flat White，再加四蚊转大杯。一见到份餐系用普通方包有少少失望，但系份炒滑蛋真心系好，滑得嚟非常够热，慢慢食都唔会冻晒，如果肠仔都再热啲就正晒。烟肉唔系脆口果类但唔会觉得好油，放系块包上面食啱啱好，等块包丰富啲，又冇成啖肉果种罪恶感。虽然钟意饮咖啡但唔算好识品评，总之系饮落舒服同开心嘅咖啡啦。五十蚊一个餐系尖沙咀有呢个水准都叫做冇咩可以嫌，希望下次帮衬可以试到啲惊喜菜式啦！