部屋咖啡室

而家想约朋友食饭并非易事，难得约到好耐无见嘅朋友，偶尔都想揾个坐得耐啲嘅地方食饭吹下水。即日有位book嘅cafe唔多，所以无过多考虑就决定试呢间。烤鸡蘑菇阔条面 $82阔条面食落未够咸香，即使加入咗黑椒同青椒，味道仍然略淡。不过胜在够creamy，韧度尚可。烤鸡同蘑菇表现唔错，口感同味道都正常。不得不提摆盘，睇落都几颓，同行朋友都一致认同似系煮完求其掉上碟。绿茶红豆奶茶 $54顶层虽有超厚身忌廉，可惜味道完全无奶香甜味，似廉价忌廉。饮唔到奶茶茶香，只有红豆蜜甜较可取。整体而言，大部分食物味道虽然系正常发挥，但唔太感受到餐厅系用心去经营。由餐厅设计、店员态度，以至食物质素同摆盘等，都好影响客人会唔会再次帮衬。至少今次唔太感觉到有做好餐厅嘅热诚，希望餐厅可以再投放多啲时间去改善。