大戶屋

营业中

休息中

疫情期间已经尽量少喺外面食饭，揾一间唔系咁多人嘅餐厅就入咗去，就嗌返以前食过嘅两款定食烧花鱼及烧五花腩。五花腩定食等咗十几分钟上枱，再过多十几分钟即系总共差唔多半个钟条烧花鱼终于游到我面前。侍应放低条鱼𠮶阵我已经闻到一浸腥味，仲谂住可能系餐具唔干净，我起动食第一啖嘅时候已经觉得好唔妥，好腥好咸好臭嘅味！系咸鱼味呀！我用面豉汤清一清个口，再俾多次机会佢试第二啖，妖！我究竟食紧乜嘢！好干好鞋好实嘅咸鱼嚟㗎㖞！黐线嘅咩俾啲咁嘅嘢人食！旧鱼真系烧到过晒龙通晒窿窿㗎！忍唔住帮佢影返张相！自己挣扎咗好耐先至同侍应反映返，然后换过另外一个定食。唉！咸鱼腥臭味绕梁三日！整臭晒一个美好嘅周日！