影片
更多
2020-12-16
343 浏览
香港传统广东茶楼买少见少，今次约咗朋友去中环莲香楼食晚饭，才踏进酒楼就有一种回到70年代的感受。莲香楼的装修不是怀旧，是岁月的痕迹，每一个部份都是历史。不管是大门往上的木楼梯丶冲滚水的大水煲或是客人所坐的中空桌子都是充满味道。除咗装修，这里的食物也是充满了怀旧感。莲香楼做手工怀旧菜好出名，朋友推介顺德家乡煎酿鲮鱼。听个名真系好普通，不过见到条鱼真身先知咩叫「真正手工菜」。将成条鲮鱼肉嘅皮起咗出嚟，然后将鱼肉捣碎再酿返落成条鱼度，再经过蒸同煎，真系好多手工，抵食夹大件都系$98，而且仲好好味。朋友话以前香港上一辈家家户户都识做，返去问返阿爸原来系真，真系好神奇。佢哋个老火靓汤真系好正，粉葛赤小豆煲猪展，浓郁到起沙咁滞，之后嚟过再叫都系保持水准。另一个好精彩嘅小食叫金钱鸡，食落口嘅时候就好似有叉烧嘅香甜，我但质感又有啲唔同。折解之下发觉原来里面无鸡既成份，薄叉烧同肥猪肉夹住鸡润，然后用整烧味嘅方法去制作，最正系热辣辣，虽然只系叫咗每人一件但系真系好滋味，好甘香。之前成日听人讲呢间酒楼服务态度好差，但系𠮶晚上去啲伙计真系出奇咁热情真系吓咗我一跳！朋友话因为而家都系老员工接咗手经营，佢哋自己有
莲香楼的装修不是怀旧，是岁月的痕迹，每一个部份都是历史。不管是大门往上的木楼梯丶冲滚水的大水煲或是客人所坐的中空桌子都是充满味道。
除咗装修，这里的食物也是充满了怀旧感。莲香楼做手工怀旧菜好出名，朋友推介顺德家乡煎酿鲮鱼。听个名真系好普通，不过见到条鱼真身先知咩叫「真正手工菜」。
将成条鲮鱼肉嘅皮起咗出嚟，然后将鱼肉捣碎再酿返落成条鱼度，再经过蒸同煎，真系好多手工，抵食夹大件都系$98，而且仲好好味。朋友话以前香港上一辈家家户户都识做，返去问返阿爸原来系真，真系好神奇。
佢哋个老火靓汤真系好正，粉葛赤小豆煲猪展，浓郁到起沙咁滞，之后嚟过再叫都系保持水准。
另一个好精彩嘅小食叫金钱鸡，食落口嘅时候就好似有叉烧嘅香甜，我但质感又有啲唔同。折解之下发觉原来里面无鸡既成份，薄叉烧同肥猪肉夹住鸡润，然后用整烧味嘅方法去制作，最正系热辣辣，虽然只系叫咗每人一件但系真系好滋味，好甘香。
之前成日听人讲呢间酒楼服务态度好差，但系𠮶晚上去啲伙计真系出奇咁热情真系吓咗我一跳！朋友话因为而家都系老员工接咗手经营，佢哋自己有股份，所以对客人态度都好咗，唔知系唔系真哩。
食晚饭当晚好少人，觉得香港人大多追求试新嘢，无奈接受呢类酒楼不日可能便会消失于香港⋯⋯
张贴
