Le Viet (已結業)

睇到开饭特辑介绍呢间越南餐厅，再睇埋食评几乎零喊面连OK都唔多个，所以就book咗位今晚试吓，本身好期待嘅晚饭，食完简直觉得出人意表☺️我哋两个人一共叫咗一粉一饭一小食一菜连一杯嘢饮，首先介绍吓最令我印象深刻嘅大虾菠萝炒饭先喇☺️一上枱真系俾佢外表呃到呀☺️ 大大兜咁 啲虾又好似好靓咁☺️ 不过大唔大虾我就唔敢讲喇 我净系知每只虾都整成条虾屎俾你叹啫☺️ 而且我未食过菠萝炒饭系会加红肠，到底系我孤陋寡闻抑或系创新呀？☺️跟住再介绍吓海鲜炒檬粉先☺️首先一嚟到嘅时候已经闻到好大”朕”胡椒粉味，结果食落去同我闻到嘅系一样，似食紧胡椒粉炒檬粉多啲，至于海鲜喇㖞，真系够晒足料㗎，真系足料到一眼睇晒😂😂 不过我最想讲嘅系呢碟粉入面嘅鱿鱼，一啖咬落口，哗！几腥㗎㖞都😂😂 仲要有啲怪味水喺入面，但求今晚唔肚痛都偷笑喇😂 至于啲檬粉都唔使多讲，成碟都炒到碎湿湿，真系每夹一”住”都系碎上☺️咁又唔系每样都咁衰嘅，表现好啲嘅有蒜蓉炒椰菜苗同埋Le Viet精选拼盘呢两样算系正正常常，不过不失，如果想嚟呢间试吓但又唔想中伏嘅，不妨叫呢两样，至少摆得落口都无咁嬲先喇😂😂最后一定要介绍埋杯红豆冰，无可能唔讲😂 因为我未试过饮红