影片
更多
2014-11-23
622 浏览
最近报纸推介此店嘅流心蛋糕，Forward比女友之后佢都一见钟情，趁呢晚book咗晚饭不过有排都未够钟，但又开始肚饿嘅时间，特登嚟到呢到一尝流心蛋糕。去到门口，已经有姐姐拉客宣传。特意问流心蛋糕大小，姐姐指住橱窗......都成六、七吋大，而且转头又去食正餐，有啲担心会食完就饱，姐姐就话个蛋糕一个人都食得晒，而且堂食有折，就系咁样讲，我哋就入咗去。晚上七点几，人流唔多，而且地方阔落，所以坐落都算舒服。店员同时推介芥末心太软，睇餐牌相都几吸引，但系要留肚所以拒绝。都等咗几耐，终于见到真身，个样几似大陆一间叫「瑞可爷爷」嘅蛋糕，但人哋冇卖到$85一个咁贵。切开之后，蜜糖随即流出，卖相已经教人唾涎三呎。食一啖落口，蜜糖味道香浓，然后就会食上瘾，我一啖女友一啖，好快就清咗碟蛋糕。老实，佢卖$85嘅话，吸引力实会大减。既然开咗个头，都唔争在拣多样唔会太饱嘅。餐牌上写住「特色焗雪糕」，女友感到好奇，就问吓个店员定系老板嘅哥仔。佢就介绍呢个甜品系法式焗制，外层系一层好薄嘅脆皮，中间一层蛋糕，再包住嚿雪糕一齐焗，多重口感。听过后颇吸引，于是加单。又等咗一段时间......正如店员/老板所讲，咸脆皮喺最
去到门口，已经有姐姐拉客宣传。特意问流心蛋糕大小，姐姐指住橱窗......都成六、七吋大，而且转头又去食正餐，有啲担心会食完就饱，姐姐就话个蛋糕一个人都食得晒，而且堂食有折，就系咁样讲，我哋就入咗去。
晚上七点几，人流唔多，而且地方阔落，所以坐落都算舒服。店员同时推介芥末心太软，睇餐牌相都几吸引，但系要留肚所以拒绝。
都等咗几耐，终于见到真身，个样几似大陆一间叫「瑞可爷爷」嘅蛋糕，但人哋冇卖到$85一个咁贵。
切开之后，蜜糖随即流出，卖相已经教人唾涎三呎。食一啖落口，蜜糖味道香浓，然后就会食上瘾，我一啖女友一啖，好快就清咗碟蛋糕。老实，佢卖$85嘅话，吸引力实会大减。既然开咗个头，都唔争在拣多样唔会太饱嘅。餐牌上写住「特色焗雪糕」，女友感到好奇，就问吓个店员定系老板嘅哥仔。佢就介绍呢个甜品系法式焗制，外层系一层好薄嘅脆皮，中间一层蛋糕，再包住嚿雪糕一齐焗，多重口感。
听过后颇吸引，于是加单。
又等咗一段时间......
正如店员/老板所讲，咸脆皮喺最外层，中间夹住蛋糕同雪糕一齐食，咸甜外脆内软再入面系冻雪糕纵横交错嘅多重口感，一小件确实唔系咁够喉，但真系要留肚，不宜再食，只好留待下次再试。
题外话/补充资料：
正如其他食家所言，新张期八折优惠只系做到十一月尾；但收银台头放咗一叠无限期优惠券，欢迎索取。
(以上食记乃用户个人意见 , 并不代表OpenRice之观点。)
张贴
