金亞淶泰國餐廳

营业中

休息中

以OpenRice搜寻「荔枝角」餐厅，见这间泰国餐厅有几百个，排名靠前，好评如潮，而且餐厅营业至21:30，不用食得咁赶，就选择一试。因为系运动前的晚饭，打算食得轻型些少，左选右选下，点咗咖喱猪扒及生菜包。从颜色上看，猪扒明显焗得太㶶，口感并非松脆。感觉系腌肉时落太多梳打粉，导致口感太腍、肉质松散。至于咖喱，系无层次、好普通的味道，不是泰国好多香料、好惹味个种，亦不是落咗椰奶好Creamy嘅口感，甚至比茶餐厅食到的咖喱逊色。生菜包嘅猪肉，直程有猪肉嘅猪馊味，酱汁同调味都唔够浓及惹味，完全遮唔到𠮶浸味。饮品就叫咗青柠茶、椰汁珍多冰，已经系全晚最正常。虽然晚市泰国菜嚟讲，价钱唔算贵，但绝对唔系食评中形容得咁好，本人及朋友都唔推荐👎🏻。