Pentola (裕民坊YM²) (已結業)

餐厅位于裕民坊，主打义大利菜式，当中最出名嘅系呢度嘅手工意粉，选用意大利面粉再混合本地九龙面粉厂出产嘅搓制而成，环境舒适，设计时尚，适合约另一半嚟拍拖👫前菜有Feta Cheese Rocket Salad，以芝士、番茄、杏仁、塔贾斯卡橄榄混合而成，沙津菜新鲜，令人胃口大开！Bruschetta with Eggplant Puree几有特色，白鳀鱼咸咸香香，搭配茄子蓉同脆脆多士，正！Italian Cold Cut Platter可以一次过食到几款风干火腿，24个月嘅Parma Ham Copper Ham 莎乐美肠，搭配清甜青提帮助解腻、主食方面大大力推介Gnocchi All'amatriciana，薯团烟烟韧韧，搭配烟肉番茄酱，开胃又好味道👅另外有两款手工阔扁面，分别为Tagliatelle Al Pesto同Tagliatelle with Homemade Meatball，前者采用番茄、番茄干、黑水榄同香草，个人更喜欢后者，尤其是系个肉丸，肉味香浓，真材实料，咬落厚实，配上番茄酱更加惹味～ 不得不赞呢度嘅薯条，新鲜炸气，即叫即整，热辣辣上枱，出面真系好少有，仲要估唔到份量