The Platter (悦品天秀酒店‧元朗) (已結業)

因为屋企人生日所以谂住齐齐去食自助餐，于是上网揾咗间近近地嘅，睇食评好似都唔错，又系酒店内嘅餐厅，应该有一定水准，就打电话过去订好位，结果去到门口都入唔到，职员话唔接受纸本针卡，就算话俾佢哋对埋身份证都话唔得，一定要将针卡放入安心出行先可以放行，话系公司规定，实在无奈，政府话可以用嘅纸本针卡，去到酒店竟然话唔用得，虽然我都有听过有餐厅唔俾用纸本，但今次亲身经历，真系超无语，我自己几日前先同同事去咗其他酒店食完，都冇被拒门外，估唔到今次会咁，结果唯有去第二间食，好可惜试唔到！