宜記甜品

营业中

休息中

每次U team 练习后都一定会会帮衬宜记，价钱亲民，份量够，服务亲切。唔肚饿嘅同学仔可以叫杨枝甘露、西瓜凉粉等嘅甜品，又或者饮红豆奶茶、西瓜冰、冻柠茶；肚饿嘅可以拣汤面、汤乌冬、咖喱饭、冷面，炒饭炒公仔面等。食咗咁多次，最正系炒饭同炒公仔面。近排用碗上，好似份量大咗，又食得方便咗，仲非常足料！今日第一次叫粟米蚬肉炒饭，超多蚬，出去食碟炒蚬都无咁多，食极都食唔晒。隔离叫咗猪颈肉炒公仔面，镬气够，冇多余嘅油，好香口，加埋 XO 酱炒真系好惹味。所以差唔多次次都系必叫。炒饭炒面衬冻柠檬茶少甜少冰，好消滞解暑。