The Captain's House (已結業)

Seafood Platter A($398)，海鲜袋，里面有虾、砚、青口、肠仔、薯仔、粟米，酱汁好特别系胡椒牛油汁，味道几夹几惹味，虾好大只和饱满，色泽亦好新鲜，值得一提系店铺会提供埋手套，用手食先有风味。Popcorn Shrimp($92)，外层粉浆炸得酥脆，虾肉亦好弹牙，酱汁系店铺调制过既沙律汁，酸酸尾尾好醒胃。Clams Linguine($118)，蚬肉粒粒都好肥美，有弹牙既口感，另外意粉有好浓蒜油香味，而且加埋少量辣椒炒，微微既辣度又唔会抢过蒜油香味。Tropiconut($68)，椰青水+青柠+柠檬，混合左几种清新既生果汁，口腔有种好凉好舒服既感觉。Grapefruit Juice($35)，酸尾尾开胃饮品，好浓郁西柚汁，应该整杯都系用西柚鲜榨出来，绝冇沟水。Creme Brulee($78)，面层焦糖烧到薄薄一层，好脆口，炖蛋好滑，一吸入口可以直飞入喉咙，三款生果有微酸，但正正就系可以中和返焦糖炖蛋既甜度。