梅子貓舍 (已結業)

夜晚约咗朋友嚟到呢间楼上猫猫cafe食晚饭。入到去，座无虚席，啱啱好有两个位，于是我哋就坐咗入去。虽然客人好多但系环境好安静，因为唔想骚扰到啲猫猫。睇嚟客人嘅素质都好高。我朋友点左个芝士肉酱意粉。佢个芝士酱汁好开胃。极力推荐大家食呢个。而我就叫咗个全日早餐，再加多一杯榛子朱古力。十分推荐大家点榛子朱古力，唔知点解同出面啲唔同，特别好饮，特别香，特别重榛子味。见到好多客人都系熟客，识得点样摸可以令到d猫猫舒服。好快我都会变成熟客仔，因为我会再嚟食。