石牆道韓國餐廳

营业中

休息中

一行六人去庆生，想落单禁极钟都冇人黎招呼，起码等左十五分钟先有个白头发女士入黎，一入黎就hard sell贵既蟹油蟹同牛肉并盘。已经强调吾食都仲要问几次。食饭途中又入黎闹我哋下次咁少人吾可以坐房，但座位系佢哋安排，从来冇要求过坐房，仲要间房吾系咩卡位，只系普通木枱木凳。食到九点几个白发女士又入黎催叫我哋食快少少，吾好阻住收工，但𠮶阵时已食晒啲野等紧人汁枱上生日蛋糕，最后问汁枱既职员先知道白发女士就系老板娘。成餐饭食到成肚气，连蛋糕都拎走埋，废事阻住佢收工，野食质素好普通，特别系泡菜饼，又咸又硬，埋单二千几蚊，完全吾值得去食。老板娘好自为之，你咁对客人仲会有下次咩？