影片
更多
2019-12-19
103 浏览
🐷🐷🐷🐷临近圣诞节，心思思想揾间靓啲嘅餐厅叹下气氛，食吓好嘢。黎1881睇吓装饰，食个Christmas dinner，成件事真系好浪漫😌 餐厅入面嘅装修都散发出艺术气息，穿过cafe同一条挂满油画嘅走廊，就入到餐厅。餐厅嘅好多微细位都做得好靓，even系蜡烛同餐杯都有用心挑选。▪️Set Dinner - The Harvest ($680/person)👉🏻 餐包一块块嘅面包入面夹杂着nuts，食落去唔会单调，餐厅提供嘅牛油上面有一粒粒既盐，搽餐包食最夹。👉🏻 荷兰小牛肉薄片配油封吞拿鱼及水瓜柳生食牛肉好惊会食到有血水味道，但依碟牛肉食落香嫩得黎有牛味，通常要有返咁上下等级既牛肉先可以入口咁嫩。吞拿鱼同牛肉配搭得好好，在轻轻咬一啖水瓜柳就更醒胃唔会济。👉🏻 日式昆布高汤柴鱼配慢煮鲍鱼有时觉得食一餐贵啲嘅Dinner享受嘅唔单只系食物，而且仲有服务。望住店员用个好精致嘅水壶淋上高汤就觉得好舒畅。高汤入口鲜甜，慢煮鲍鱼弹牙爽口，两者好夹。👉🏻 红烧澳洲羊肩配马铃薯蔬菜羊肩烧得十分淋身，从中间切开见到肉质非常嫩滑，一啲都冇overcooked。 红酒汁味道香醇，配搭羊肉口感一流。而且羊肉厚
临近圣诞节，心思思想揾间靓啲嘅餐厅叹下气氛，食吓好嘢。黎1881睇吓装饰，食个Christmas dinner，成件事真系好浪漫😌 餐厅入面嘅装修都散发出艺术气息，穿过cafe同一条挂满油画嘅走廊，就入到餐厅。餐厅嘅好多微细位都做得好靓，even系蜡烛同餐杯都有用心挑选。
▪️Set Dinner - The Harvest ($680/person)
👉🏻 餐包
一块块嘅面包入面夹杂着nuts，食落去唔会单调，餐厅提供嘅牛油上面有一粒粒既盐，搽餐包食最夹。
👉🏻 荷兰小牛肉薄片配油封吞拿鱼及水瓜柳
生食牛肉好惊会食到有血水味道，但依碟牛肉食落香嫩得黎有牛味，通常要有返咁上下等级既牛肉先可以入口咁嫩。吞拿鱼同牛肉配搭得好好，在轻轻咬一啖水瓜柳就更醒胃唔会济。
👉🏻 日式昆布高汤柴鱼配慢煮鲍鱼
有时觉得食一餐贵啲嘅Dinner享受嘅唔单只系食物，而且仲有服务。望住店员用个好精致嘅水壶淋上高汤就觉得好舒畅。高汤入口鲜甜，慢煮鲍鱼弹牙爽口，两者好夹。
👉🏻 红烧澳洲羊肩配马铃薯蔬菜
羊肩烧得十分淋身，从中间切开见到肉质非常嫩滑，一啲都冇overcooked。 红酒汁味道香醇，配搭羊肉口感一流。而且羊肉厚实，啖啖肉十分足料。
👉🏻 香辣蕃茄炖海鲜
包含左三文鱼，蚬，青口，鱿鱼等等既海鲜。系我钟意食嘅香辣味，配搭海鲜好惹味。三文鱼煮得入味十分，而且冇骨。
👉🏻 梵高精选甜品
𠮶日嘅甜品系橙朱古力蛋糕。表现不过不失。
👉🏻 仲夏向日葵
由辣木叶，蜜树茶，柠檬草，芒果蜜饯泡成。店员会比一个沙漏帮助我哋计时，沙漏流完后就可以倒茶。加上少许蜜糖呢个茶又sweet又fresh。
👉🏻 蓝莓之吻
由南非博士茶，蓝莓，矢车菊泡成。同仲夏向日葵一样好行fresh既路线。食饱饱之后饮返个酸酸地嘅茶啱啱好！
🔸Overall ($680/person)
📍 Van Gogh SENSES (尖沙咀)
尖沙咀广东道2A号1881 2楼208号舖
张贴
