八寶清湯腩

营业中

休息中

YouTube及好多人都有提过呢间牛腩粉面店，佢有好出名嘅崩沙腩及爽腩，但如果下昼嚟过咗一点都唔洗旨意食到，又要再等5点𠮶轮。星期六大概下昼2:00嚟到，前面排8-10个人，排咗15-20分钟，餐厅冇设搭台，几好，所以排耐少少都可以接受。坐低后先见到咁多选择，但已经两点几，崩沙腩已冇哂，坑腩都冇哂，最后叫咗萝卜清汤爽腩河、萝卜清汤爽腩面、牛三宝，入面有牛肚、牛筋、牛腩，$178一碗，另仲有叫咗个牛肉芫茜水饺。份量相当多，其实食一碗都已经好饱。一人一碗，清汤牛腩要配河粉，会好食啲，佢哋啲辣油一般，唔建议落辣椒油落啲汤度。牛三宝，好食牛肉芫茜水饺，个人觉得唔系呢度嘅强项，食番佢哋啲牛腩粉面会稳阵啲。呢度系米芝莲，价钱较一般地道牛腩粉面店贵，个人觉得可以一试，但又未去到会好疯狂地爱上佢。如果你系好钟意食牛腩粉面嘅人，都值得嚟试吓。下次有机会经过，都会再试佢哋嘅崩沙腩。