影片
更多
2011-05-09
15 浏览
跟老妈食母亲节晚饭系每年其中一个麻烦大课题，佢口里话无所谓，但实际好挑剔，一来佢唔想去食过嘅地方，二来如果去消费较高嘅餐厅，换来只有一大堆「梵音」...为免耳仔受罪，今年我选择左一间差唔多俾人遗忘嘅老式平价中菜馆 - 小杬公菜馆小杬公菜馆位于上环信德中心对面一幢商业大厦内，地点绝对唔吊脚，但奇怪地人气甚低，在公开饮食网站上，差唔多五个月亦无一篇食评更新，莫非呢度已被其他星级食府光芒掩盖？无所谓啦，反正要带老妈食点冷门野，就睇下小杬公今时今日系咩水准...今晚选叫嘅全部都系小杬公名物，其中卖相最有趣嘅就系企鹅鸡($188)。企鹅鸡其实只系炸子鸡一只，上席时原只烧鸡先被吊在柱上示众，再由侍应即席凌迟分尸上碟。烧鸡肉嫩皮脆，皮下脂略带点肥油，甘香无比，而且腌味功夫了得，果然不愧为招牌菜。酥炸鲮鱼球($88)系黎呢度之前已锁定嘅目标，因为我对「蚬芥」与「炸鲮鱼球」呢个绝配系情有独钟。炸鲮鱼球圆碌碌大大粒，外型上相当吸引，咬落热辣辣又香口，入面更酿入蚬芥吊味，抵赞！呢度嘅蚬芥咸鲜味好强烈，加上香葱再煮，用来蘸炸鲮鱼球实在非常好味。喷火酱烤骨($88)在锡纸切开后香味令人振奋，烧骨肉质松化，酱汁够
小杬公菜馆位于上环信德中心对面一幢商业大厦内，地点绝对唔吊脚，但奇怪地人气甚低，在公开饮食网站上，差唔多五个月亦无一篇食评更新，莫非呢度已被其他星级食府光芒掩盖？无所谓啦，反正要带老妈食点冷门野，就睇下小杬公今时今日系咩水准...
今晚选叫嘅全部都系小杬公名物，其中卖相最有趣嘅就系企鹅鸡($188)。企鹅鸡其实只系炸子鸡一只，上席时原只烧鸡先被吊在柱上示众，再由侍应即席凌迟分尸上碟。烧鸡肉嫩皮脆，皮下脂略带点肥油，甘香无比，而且腌味功夫了得，果然不愧为招牌菜。
酥炸鲮鱼球($88)系黎呢度之前已锁定嘅目标，因为我对「蚬芥」与「炸鲮鱼球」呢个绝配系情有独钟。炸鲮鱼球圆碌碌大大粒，外型上相当吸引，咬落热辣辣又香口，入面更酿入蚬芥吊味，抵赞！呢度嘅蚬芥咸鲜味好强烈，加上香葱再煮，用来蘸炸鲮鱼球实在非常好味。
喷火酱烤骨($88)在锡纸切开后香味令人振奋，烧骨肉质松化，酱汁够浓稠，水准唔错；而上菜时在锡纸上点火，视觉效果十足，但其实只算花巧动作，对味道提升帮助不大。
老实说我以前只系食过八宝鸭而未食过八宝鸽($148)，制法基本上分别不大，都系将莲子、猪肉粒及薏米等塞入鸽肚内炆煮，食落因鸽肉较碎而且少左鸭肉果份膻香，感觉较食八宝鸭少左一份「重口味」，而鸽皮连莲子等饀料一齐包住黎食，香气独特吸引，值得到来一试。
试过小杬公四大名菜后，再食老妈爱嘅砵仔焗鱼肠($78)，鱼肠食落够爽又有蛋香，我就略嫌口感湿左少少之余，蒜味较为强烈。用料方面则非常慷慨，虽然我平时较少食呢款小菜，但席上几位食盐多过我食米嘅长辈，都不约而同赞呢份焗鱼肠出色，相信水准应该系对办...
餐牌上见到豉油皇蒸豆腐竟然要$68一份，好奇心下决定叫来睇下有咩咁巴闭。豆腐尚算滑溜，豆香亦够，但原来主角系果个好味到不得了嘅豉油皇，甜甜地极惹味，如果有碗白饭在手的话，单系落豉油送饭都已足够，但要弹嘅系伴碟果几条老菜，老到完全咬唔落口，令呢味本来简单完美嘅小菜留下小小遗憾...
近期在名苑同逸东轩都食过有水准嘅马拉糕，黎到小杬公见到有供应亦叫一客作甜品。点知马拉糕送上时，大家都目瞪口呆，估唔到马拉糕份量系咁少，而且卖相已觉得唔多对路。果然食落松软欠奉，又硬又实，蛋香完全唔够，真系事但揾间酒楼都好食过佢，失望至极！除左果份马拉糕令人失望之外，整晚食物水准其实相当唔错，而且六人同行每位都系$140左右，都算抵食，所以亦决定下次要到来再试埋乳猪同金钱鸡。另外，小杬公采用会所形式，如果唔系会员都无问题，即场入会盛惠$30，仲送你一张堂食叉烧券，但有效日期只有一个月，绝对系一份「多很谢」嘅迎新礼物...
张贴
