EXpresso 咖啡吧 (已結業)

无乜机会过大海，但好多时都会特登入黎食个葡挞饮杯咖啡，座位唔多，都系高桌椅为主，不过坐得几舒服，特别系入口左面的位置，好有自成一阁感觉。放雪柜的火鸡三文治可以烘热享用，件头不少，加埋葡挞足够饱肚有余，面包两边都夹烘得金黄，热力传得平均，里面除左烟火鸡片，仲有番茄同火箭菜，唔会dry爆难啃，可以一试。这里最大的卖点就系澳门安德鲁葡挞，虽然要$10.5一个，但质素稳定，油酥挞皮松化得很。或者比不上路环总店，但省下船钱，系正旺区中心点有得食，止下瘾都非常唔错，不过可能依家大部份香港人都只关心香港那里有洪瑞珍三文治「水货」，而唔记得有间安德鲁葡挞。食饱又可以继续陪老婆Shopping