黑瀧板蕎麥專門店 (已結業)

通常食日本菜都系食刺身、串烧、拉面，香港好少有得食荞麦面，可能觉得寡口卦？见到原来香港都有一间荞麦面专门店，于是就去试下。虽然叫荞麦面专门店，不过都唔系只食面甘斋，都有刺身、饭果d野食，队长叫左个豚肉陶板烧+荞麦面set，贪2样野香港都少有得食，另外仲有叫左个海鲜锅同刺身荞麦面。豚肉唔多，得8旧，不过望落都几新鲜，一边烧肉，一边试下个荞麦面，面身都ok，爽爽地，但麦味唔算好重，捞面既酱油都几香坚鱼味，但重口味既朋友会觉得淡左d。好勒，第一轮豚肉终于有得食，嗯，其实d肉就无乜味，都系靠点d七味粉先有d味，同埋油份唔够之后煮菜用，仲要食金菇、南瓜呢d菜，干到爆。至于个海鲜锅，好大个㖞，4个人食就岩岩好，海鲜都几多，特别系d蚬，食极都仲有，而且海鲜都新鲜，d蚬无沙的，好干净，海鲜多，菜都一样甘多，好抵食！不过埋单时，好彩朋友睇下张单，明明无叫啤酒，佢地将隔离台叫既啤酒入左我地数，甘样唔得啰！