荷里活冰室 (上海街)

营业中

休息中

每一次去旺角都唔知食乜好，有时会去熟食中心平息，有时去啲楼上西餐厅有偏贵，有无啲价钱适中既餐厅呢？其实我系一个好钟意食茶餐厅嘅人，今次大胆提议去试吓啲新嘅茶记啦，见到呢间个招牌咁鬼大又闪下闪下咁，拉埋个朋友入去一人叫咗一个小菜配白饭，相信一定比旺角打冷平得多又好食啲。叫咗个鱼香茄子煲同埋椒盐豆腐粒，个份量大到吓亲我！鱼香茄子煲佢应该有用咗两个茄子，食极都仲有，而且出面啲茄子煲偏向好油同咸，但系呢度的肉碎调味适中，而且茄子同肉碎嘅比例都算一比一，所以真系超级有份量，食晒成碗白饭都仲要有剩。椒盐豆腐粒系佢呢度嘅出名小菜，个店员超级推介，的确炸得好脆而且炸皮好薄，豆腐又滑，椒盐粉唔会加得太多，可以中和左鱼香茄子𠮶种油腻～本身想叫多个细公司做甜品，但系真系太大份同太饱，所以最后都系放弃左。