雲家小鍋米線 (328廣場)

营业中

休息中

荃湾向来都系米线混战区，问过几个成日去荃湾揾食嘅朋友，大家喺米线上都有分歧，难得呢排有机会去荃湾就试下，第一间系受 #米线关注组 关注嘅 #云家小锅米线 。果然去到门口就发现人龙，无论堂食、外卖都有，唔想晒住等位，所以决定外卖。网上揾资料发现店子开业四年，坚持汤底每日新鲜熬制， 需时四至六小时，而且米线每碗都系即叫即煮。配料超过40款选择，有选择困难症嘅朋友一定有危机，而本人恰巧就系其中一个，所以就拣咗set好嘅鱼肉春卷米线。鱼肉春卷米线 $37可拣麻辣或酸辣，第一次叫小辣，自己觉得唔够候，食得辣嘅一定要叫中辣。汤底里面有肉碎、酸菜、芽菜等等，味道有层次得嚟又唔会太腻。特登拣鱼肉春卷因为坊间供应又好食嘅唔多，略嫌佢实咗少少，鱼肉味都争少少，都算合格。骤眼睇有三条但其实系切半，即系一条半。加钱叫嘅豆浆系来货就唔特别讲，整体来讲系汤底好味，米线又唔会煮得过腍，呢个价钱系可以嘅，有机会再试下其他𩠌。