汀汀烤活魚 (已結業)

旺角的晚市黄金时间，原本系想去食鸡煲，但系要等好耐位，个人又好攰想食完返屋企。就顺住条街睇下有乜唔使等位又似好味既。闻到一阵麻辣味，刺激我胃酸分泌，想试好耐既鱼煲竟然有张吉枱👍🏻👍🏻肚饿见到menu心大心细样样都好似好好味⋯⋯咁呢朋友知道我钟意食蟹又想食鸡就帮我决定叫麻辣羔蟹鸡煲，😂打破左我挑战招牌菜既定律。佢怕我等个煲太耐饿死，又知我钟意食皮蛋就叫埋皮蛋做前菜真细心😌。再点啲野打边炉，竟然俾我见到莴笋😍，又叫多左份莞茜😂开头侍应伯伯话煲有架唔使叫啦，朋友就话照要因为我劲钟意食，原本仲叫手拍青瓜既，不过伯伯话好流介绍我地食其他👍🏻👍🏻，呢个伯伯咁样先至留到客人再光顾，因为佢真系会话你知咩好食，好过我叫左觉得流又贵又细碟下次唔黎，伯伯仲好细心三五七时过黎帮我地搅个煲唔俾佢㶶👍🏻讲下个煲蟹唔大有羔既，我唔食羔架俾晒朋友食，蟹脚瘦左啲，蟹壳未碎好难搅，半只鸡肉唔算多小辣刚刚好😋个煲好多葱蒜莞茜洋葱好惹味，莴笋好细碟叫左全份都唔算多，麻辣无想像咁麻🙄小插曲，冷气机劲漏水正路中心，个呀姐望一望行返入去，后生啲既叔叔急急地叫阿姐攞个筒黎佢仲懒懒闲😂睇黎呀姐先系大晒