雞記潮州麵食

营业中

休息中

今日去尖沙咀剪头发，去之前上OpenRice睇吓附近有咩好食，见到呢间潮州面店好有兴趣，就决定去试。喺门口等位嘅时候见到餐牌，一个单𩠌面已经加到$60，绝对唔平，但一场嚟到决定照入去试吓。一坐低望到餐牌$62？！咁都算，我坐低𠮶阵大约12:15pm左右，好快就决定叫一碗紫菜墨丸米，个职员问我要炸定唔炸𠮶只，我话唔炸，佢话卖晒。但之后佢又改口话唔够，同你加几粒白色嘅落去啰。我话如果卖晒我叫其他嘢，佢问厨房，个师傅好大声咁话有。我问佢咁炸嘅呢？佢好似唔肯俾我转其他嘢咁系都话有。就系咁照落单。结果嚟咗碗全白色嘅墨丸米。我拧转面问个职员一粒都冇呀？佢答我寻日犀利呀嘛！我：？？佢话寻日犀利，卖晒！我𠮶一刻又嬲又无奈。你卖晒唔系问题。问题系我问你系唔系卖晒，系我就转其他嘢，你好肯定咁答我有！系咪觉得自己出名就可以咁样对消费者？结果$62我食咗一碗平平无奇，得四粒墨丸嘅墨丸米。你可以话佢包一碟油菜或热饮，但都绝对唔值呢个价。