Piano Piano Cafe

营业中

休息中

小店入面嘅摆设全部都好有特色，睇返门口嘅餐牌，主打pancake，图片绝对吸引到我同朋友入去😬以下系二人餐内容：烟三文鱼藜麦沙律~只系卖相已经好高分，整个沙律嘅调味都非常和谐，烟三文鱼油脂配搭藜麦、沙律菜，可以做出不同口感蒜香奶油虾意粉~意粉软硬适中，每一条都沾上香浓嘅蒜味奶油汁酱，虾更加每一只都非常弹牙！尺寸亦都唔细！炸单骨鸡翼~鸡翼大点微辣,唔需要点任何酱料，亦已经够晒味，辣味可以刺激到味蕾，令食欲大增！玫瑰蜜桃果茶、芙香苹果果茶~两款果茶都用茶包，干净企理，内里嘅真切嘅果香实在令人回味！草莓厚松饼~卖相一流！松饼配埋cream同生果，酸酸甜甜、香香滑滑，蛋味仲非常浓郁添！因为实在太吸引嘅关系，所以追加咗单点嘅pancake😬红豆抹茶厚松饼~抹茶粉洒满整个pancake，由于抹茶带有苦味，绝对系成人先懂得品尝！店家用上粒粒饱满且香甜既红豆，中和呢一种特别嘅苦味，整件事非常完满！