agnès b. Café LPG (已結業)

我叫咗件好似Mont Blanc嘅物体，不过呢度就叫Valerie，我唔知佢哋嘅意思系咪一样，字面上就唔一样，不过望个外型就差唔多近乎一样。栗子对我来讲真系由细钟意到大，所以栗子蓉好唔好食其实都好影响成个甜品，不过始终每个人嘅口味都唔一样，所以我应该讲啱唔啱我口味。呢件西饼外型好靓，呢度嘅栗子蓉唔可以讲话好出色，不过真系唔差，如果净系计栗子蓉我起码可以比到四粒星，里面嘅馅料其实整个组合都好食，唯独是有一个问题，佢里面有一块meringue ，正常情况下呢块应该好脆，但系呢件西饼里面𠮶一块就唔系，佢有啲硬，又有啲实，我都唔知点形容佢𠮶个质地，应该是一件用糖嚟都做嘅嘢溶咗变返硬嘅感觉，我唔知制作过程发生咩问题，但系就令到我对于件饼有啲失望，撇除呢一部份，整件西饼都属于系好食嘅，我希望下次再嚟识嘅时候唔会再有同样事情发生。