影片
更多
2021-06-28
1212 浏览
以前大家有无系裕民坊食宵夜?当中令我最有回忆既一定系巷仔入面既豆浆油炸鬼，随住重建计划，旧铺已经差唔多拆哂，随即而黎既系新既裕民坊，开幕之后我就即刻去睇下有无我想食既野。观塘裕民坊「YM²」系四月开幕，特别系入面既裕民里邀请因重建计划迁移既小店进驻，总共有4层，有29间餐厅进驻，主要卖日常用品、服饰、经典小食同家居服务。当中第一层有大家熟悉嘅永兴豆浆王重出江湖，只要系观塘嘅街坊就一定有食过。永兴豆浆王喺观塘既名店，有三十几年历史，由观塘码头既走鬼档、见证地铁通车、再迁到裕民坊，最后系裕民坊窄巷入边通宵营业，令人记忆犹新嘅系分黄色嘅灯光、红白招牌同埋好远闻到嘅香浓豆香，以自家磨制香浓豆浆同豆腐花打响名堂，可惜因为2019年嘅重建计划，令到小店系2019年2月结业。因为我一直喺观塘返工，旧舖最后一日营业𠮶时都有特登买外卖帮衬，因为都充满咗好多回忆。旧铺系观塘裕民坊小巴站，穿过一条两边卖手机配件、手表小店既巷仔，系一间夜晚灯火通明既豆浆小店。店铺唔大，铺前摆左一个个胶桶用黎装冷热豆腐花，同时摆左一枝枝大枝既豆浆，会见到好多人停低脚步买支豆浆或者外卖豆腐花，店后方有两、三张小圆枱同方枱，大概可
以前大家有无系裕民坊食宵夜?当中令我最有回忆既一定系巷仔入面既豆浆油炸鬼，随住重建计划，旧铺已经差唔多拆哂，随即而黎既系新既裕民坊，开幕之后我就即刻去睇下有无我想食既野。
观塘裕民坊「YM²」系四月开幕，特别系入面既裕民里邀请因重建计划迁移既小店进驻，总共有4层，有29间餐厅进驻，主要卖日常用品、服饰、经典小食同家居服务。当中第一层有大家熟悉嘅永兴豆浆王重出江湖，只要系观塘嘅街坊就一定有食过。
永兴豆浆王喺观塘既名店，有三十几年历史，由观塘码头既走鬼档、见证地铁通车、再迁到裕民坊，最后系裕民坊窄巷入边通宵营业，令人记忆犹新嘅系分黄色嘅灯光、红白招牌同埋好远闻到嘅香浓豆香，以自家磨制香浓豆浆同豆腐花打响名堂，可惜因为2019年嘅重建计划，令到小店系2019年2月结业。
因为我一直喺观塘返工，旧舖最后一日营业𠮶时都有特登买外卖帮衬，因为都充满咗好多回忆。旧铺系观塘裕民坊小巴站，穿过一条两边卖手机配件、手表小店既巷仔，系一间夜晚灯火通明既豆浆小店。店铺唔大，铺前摆左一个个胶桶用黎装冷热豆腐花，同时摆左一枝枝大枝既豆浆，会见到好多人停低脚步买支豆浆或者外卖豆腐花，店后方有两、三张小圆枱同方枱，大概可以容纳十个人，卫生程度当然唔理想，不过呢啲就系街头味道。
而家系新裕民坊既永兴系今年6月尾重开，每日做12小时，因为店主话好挂住班街坊，因为系旧店执笠后，两位店主虽然做到周身痛，但因为唔舍得街坊，喺两年不断揾合适嘅舖位，后来新裕民坊发展商揾佢哋，所以佢哋进驻呢个新商场，有唔少旧街坊都有帮衬，甚至有啲已经饮足20几年佢哋嘅豆浆，所以即使日做12个钟，店主都觉得系值得。
新店只做外卖，可以买去附近既露天广场食，店铺呢家自设磨豆机，每朝店主就会返嚟磨豆备货，除咗有卖招牌嘅豆腐花、豆浆、油炸鬼，仲有提供粢饭、花奶凉粉，另外仲有小食，好似肠粉、烧卖、牛肉球、粉果等点心，全部都系喺蒸炉上，买完拎上手系暖笠笠。
-
1️⃣ 香滑豆腐花 热 细碗 💰11 （👅: 8/10）
香滑豆腐花
$11
83 浏览
1 赞好
0 留言
豆腐花系店舖一大招牌，撞得滑嫩有致，呢度既黄糖系店员预先帮你落，无得自行调配，糖唔会太多食落够甜，不过唔钟意食咁甜既可以同店员预先讲低要求小糖，食到豆乳既甜味，豆腐花够热辣辣，夏天食会有啲吃力，冬天食就会非常暖身舒服，因为够热，所以黄糖唔会话溶唔哂，令到入口系一粒粒糖，因为呢度冻既豆腐花都系落黄糖，如果食落就可能出现入口系糖粒既口感。食落豆香味浓香，入口滑嫩，唔会有渣，豆腐花配上黄糖始终系最好既配搭，略嫌如果黄糖可以自行加份量会更好。
-
2️⃣ 油条 💰10（👅: 7.5/10）
油条
$10
48 浏览
1 赞好
0 留言
油炸鬼咬落够脆，食落系比较烟韧，烟韧程度系唔易咬开，而且单食油腻感几重，但浸左豆浆之后就变得易咬开好多，油腻感都被豆浆中和左，果然油炸鬼同豆浆系绝配。
-
3️⃣ 香浓豆浆 热 💰10（👅: 8/10）
香浓豆浆
$10
64 浏览
1 赞好
0 留言
豆浆加油炸鬼一直系我喺以前旧舖必食嘅组合，以前会觉得点解要将个咁多油嘅油炸鬼浸耐豆浆度，但食过一次就觉得系完美嘅组合。
豆浆有分冻热杯装、细樽同大樽，大樽无1公升都起码有700ml，差唔多系家庭装，细樽就差唔多系500ml既枝装饮品，我叫既系杯装，豆浆够热辣辣，
入口顺喉，质地唔会话好稀，有啲浓稠，带微微黄豆颗粒感，饮落有小小豆香味，顺喉温润，不过如果食过豆腐花再饮豆浆，味道会变淡，甜度会唔够，单独饮就甜度恰到好处，唔会太甜都唔系假既甜味。
加油炸鬼唔单止将油炸鬼整腍啲易食，都可以将油炸鬼嘅油腻感减低，一甜一咸，但保留咗油炸鬼第一啖嘅酥脆，食落系非常滋味。
-
🌟 食物黎讲，豆浆系记忆中中味道，价钱够亲民贴地。油炸鬼依旧系同豆浆最佳既配搭，最紧要食落够热够暖。
香滑豆腐花
$11
42 浏览
2 赞好
0 留言
呢间小店重开当然开心，因为有好多回忆，以前会同朋友放工嚟食，简单一碗热豆浆加油炸鬼，已经好食好满足。味道上可能唔大分别，但最大分别嘅就系佢唔再系做到凌晨2:30嘅宵夜小店，因为开喺商场入边，由以前净系做夜晚宵夜由6点做到凌晨2:30变成呢家由日头10点做到夜晚10点，而且最重要嘅系佢唔系一个可以堂食嘅街边小店，少咗原本以前嘅风味，味道虽然熟悉，单店舖令人觉得好陌生，唔再系放工可以过嚟坐低边倾边食嘅选择。
有人其实唔系食佢地豆腐花既味道，旧铺铺面细，无冷气又逼狭，但依然好多人肯坐低食，大家系食以前既环境同风味，对呢一班友包括我黎讲，黎讲系非常可惜。不变既系人情味，辛勤半世人换来周身痛，一直考虑趁重建关闭小店，不断系附近物色铺位，为既只系因为想街坊再次食到熟悉既味道，呢家终于迎来重返观塘既曙光，无论系对店主、定系久等既观塘街坊，都系喜讯。
-
👅味道: 8/10
🍴环境: 7/10
💰消费: $31 (服务费: NA)
张贴
