Plato Cafe & Bistro (裕民坊YM²)

今日去裕民坊，上咗3楼嘅花园餐厅食lunch，最后去咗Plato Cafe & Bistro。入到餐厅，环境阔落，主要有4人卡位同靠窗边嘅2人座位，可以一边睇景一边食嘢。Lunch set包1份主餐、田园沙律/是日餐汤、1杯$32饮品。另可追加小食同甜品。我地点咗2份lunch set，一份西班牙黑毛猪鞍同一份澳洲肉眼牛排，另加$28点咗一份日式芝士饼。前菜点一份田园沙律同一份是日餐汤。是日餐汤系蕃茄红菜头汤，味道唔错。西班牙黑毛猪鞍配苹果蓉，苹果蓉嘅甜味配猪鞍都几夹。主食点咗意粉，意粉煮得啱啱好，唔会太硬或太腍。澳洲肉眼牛排配红酒烧汁，牛排可选三成熟、五成熟、七成熟同全熟。我点咗七成熟，主食点咗饭。饮品点咗一杯英式奶茶同一杯cappuccino。奶茶系红茶同奶分开上，可以自己调配钟意嘅奶茶比例。