Black Coffee

营业中

休息中

Cafe 位于裕民坊2/F一个角落，装修简单舒服，有排Black coffee 字母櫈仔几得意，环境静静地几舒服。Order 完之后店员就会即叫即煮，煮好等叫号码取餐；真系想赞下2 位店员好用心，落单收钱、煮食、冲咖啡等都包办晒。🔶慢煮牛面颊配蒜蓉炒意粉 🔶牛面颊炆得好淋好好味，个汁超浓郁连红萝卜都煮到好入味，个意粉分开上用蒜蓉炒过好香，可以自己加啲汁落去个意粉度，个汁好味到我想有碗白饭可以捞😂🔶自家制手打鸡肉虾饼汉堡包配杂菜沙律🔶个包好松软好食，手打鸡肉虾饼几弹牙有肉汁，配埋新鲜嘅沙律菜几清新。甜品：🔶三重朱古力窝夫配朱古力雪糕🔶Triple Chocolate 啱晒朱古力控😍窝夫质地做得好好，外面好脆里面松软有弹性。朱古力雪糕味好浓郁，呢个甜品真系食到舔舔脷。饮品：🤎焦糖鲜奶咖啡🤎🤎鲜奶泡沫咖啡🤎咖啡味香醇，饮落几顺滑。