佳佳甜品 (已搬遷) 新店位置

食完小食当晚餐，当然要有甜品，今晚先够完美！对面已经有间大甜品店，招牌唔花巧，白底红字，好传统中式糖水店格局，门口已经排了一条人龙，我买外卖有另一边，门口个女店员好豪迈我睇紧餐牌，款式唔多，佢问我要乜我未决定到，佢又无嘢行开，转头再帮我落单，可以即刻报价兼收钱，不过无落单票，纯依靠佢嘅记性（不过佢又真系无记错）佢不停攞外卖食物出来！白胶袋加发泡胶碗！合桃糊加汤丸（$26）：攞到返屋企仲暖！装唔满个外卖碗！合桃糊滑但唔够浓，合桃糊几香！汤丸3粒好迷你，外皮烟韧，中间黑芝麻馅几香，有啲起沙嘅粒粒！配合桃糊味道几夹！喜欢传统糖水嘅正气！食咗都觉得系为身体好！