養心殿台式養生鍋 (已搬遷) 新店位置

XO仔近期多咗出去叹欢乐时光，直令情人有感被受冷落，碰巧周四晚两口子都唔洗OT，小肥就专登同佢一试公司附近新开冇耐o既「养心殿台式养生锅」，打佢最爱o既边炉，实行以滋润o既养生锅品补身兼补飞。火锅店正门两边同外墙一样均有小红灯笼高高挂，极富中国色彩。店子占用面积全层，二至四人及多人散座全有屏风隔开，宽广得黎私人空间足，感觉大方企理。餐桌上摆放有齐全o既餐具，包括自用o既碗筷及公用o既煮食工具。就连纸巾都有成盒，好卫生。甜心儿当真体贴入微，细佬四周拍照时已点好日本朝日大啤。并于六色酱料区混好酱油。混酱（茶芥$20/位）：甜豉油底带甜又唔会过咸，捞入蒜汁、芫茜、香葱用作调味效果极佳。唔洗多谂，同美人共餐当然系要点选「美人锅」衬托一番啦！等待锅品滚起o既时间，二人先点咗客「招牌卤味拼盘」黎送酒。招牌卤味拼盘（$118）：招牌菜式o既卤味汁甜浓惹味，拼盘中个人最爱爽润o既牛肚及大肠，薄薄o既牛𦟌其实都唔错。美人锅（$188）：养生汤底用上原只乌鸡、桃胶、杞子、南枣及金华火腿老火汤炖煮，清甜滋补，暖胃润喉，十分足料。由于养生锅本身已好够料，结果我地就简单点咗客「手工丸类拼盘」同两款自家制饺子黎烚