影片
更多
2018-06-24
3036 浏览
旧同事又约食饭，三个女仔响油麻地地段，庙街呢带一向都冇啲坐得舒适又优雅嘅地方，发现左呢一间响酒店入面嘅餐厅(原本以为佢系周慧敏同倪震开嘅,如果系嘅就唔想帮衬倪震😂）上到去环境真系几靓嘅，如果有阳光坐露天位都唔错。系清新优雅嘅摆设装修。另一个食野app入边见到有优惠，订左就有折，但系只系主餐牌食品有折，其实主餐牌冇乜嘢食得意粉同pizza,所以最尾都系叫晚餐套餐。主菜我哋就叫咗两个餐一个系ribs,一个系牛扒,包沙律或者餐汤，（餐可以半价叫甜品但见无乜特别就无叫。）我哋两个餐都叫咗沙律但系只系黎左一碟有啲蟹籽既沙律上面有两条淋左既长条春卷（难道是二人份😶）另外叫左啤酒薯条系炸洋葱圈嘅炸法🤤非常香脆食到尾都仲保持脆度非常好，不过原来主菜都配薯条😂食唔晒。德国香肠拼盘，四条肠分别系黑椒肠芝士肠腊辣肉肠同猪肉肠，四条肠嘅味道唔算突出，不过好彩佢唔咸，配粒粒芥茉酱同埋茄汁仲有啲生菜伴碟解油腻。主菜小猪肋骨一排有10条左右比例比想像中细，热食都有啲硬，佢唔系一摵就散，因为细条嘅关系佢冇乜肉。酱汁正常烧烤酱味唔得出，可以再落多啲意大利醋吊返个味出啲同焗耐啲。牛扒手板咁上下大小，厚度约一寸，煎得几好面
上到去环境真系几靓嘅，如果有阳光坐露天位都唔错。系清新优雅嘅摆设装修。
另一个食野app入边见到有优惠，订左就有折，但系只系主餐牌食品有折，其实主餐牌冇乜嘢食得意粉同pizza,所以最尾都系叫晚餐套餐。
主菜我哋就叫咗两个餐一个系ribs,一个系牛扒,包沙律或者餐汤，（餐可以半价叫甜品但见无乜特别就无叫。）我哋两个餐都叫咗沙律但系只系黎左一碟有啲蟹籽既沙律上面有两条淋左既长条春卷（难道是二人份😶）另外叫左啤酒薯条系炸洋葱圈嘅炸法🤤非常香脆食到尾都仲保持脆度非常好，不过原来主菜都配薯条😂食唔晒。德国香肠拼盘，四条肠分别系黑椒肠芝士肠腊辣肉肠同猪肉肠，四条肠嘅味道唔算突出，不过好彩佢唔咸，配粒粒芥茉酱同埋茄汁仲有啲生菜伴碟解油腻。
主菜小猪肋骨一排有10条左右比例比想像中细，热食都有啲硬，佢唔系一摵就散，因为细条嘅关系佢冇乜肉。酱汁正常烧烤酱味唔得出，可以再落多啲意大利醋吊返个味出啲同焗耐啲。
牛扒手板咁上下大小，厚度约一寸，煎得几好面头唔过硬，切出嚟中间仲微红仲有红色肉汁一路切一路流🤤
饮品叫咗个
养肝美白茶，一大壶好抵饮,睇到好多花,颜色好吸晴，呃like一流
蓝金橘鲜青灵薄荷梳打，颜色好似李施德林漱口水饮落就冇乜味又冇汽，唔讲都唔记得有梳打水
芦荟蜂蜜梳打，又系冇乜味又冇汽
餐饮两杯冻柠茶自动走甜
服务有个姨姨几好服务我地叫到一枱都系野食，佢主动收起啲靓装饰腾空张枱几好，有个后生哥哥仔好有礼貌，系夜左有个叔叔啲态度就⋯⋯事缘饮咗杯冻柠茶一啖唔甜嘅，咁就问系唔系另外有糖水上，佢就话你试咗先啦（我心谂就系试左先知无甜味先问既啫）话落咗成寸㗎啦（讲咗几次好似唔想攞咁）唔甜我攞一桶糖水俾你啦，我个朋友就讲话好呀，佢咪又系好轻佻拎左一杯仔埋黎，我倒左大半落去杯度都系冇乜甜味。之后朋友仔试咗啲糖水就知道问题就系个糖水根本唔甜嘅😂
三个人埋单无用到优惠食左8百几，间餐厅新仲未有太多客人，装修仲好新净，几好坐倾下计。星期一至六买4送1，不过个餐牌得五个餐😂
张贴
