影片
更多
2018-03-28
154 浏览
睇完戏已经 9 点，不想食太heavy 既野，经过呢间 16 座车仔面装修几靓就入去try try。对于怀旧既风气对于我黎讲就真系有点点厌，但系车仔面既配菜就当然无问题啦!! 由于encore 多左一次(都系点差不多既料)，就等我post 晒相再讲分开写食评吧!^ 2/F 雅座^枱面一角**红菜头面 ($12@)：好味，个texture 岩岩好，不会太软同时又唔会过份弹牙，份量一个面饼正常女仔会够食，但我第二次加底，亦唔会觉得太大负担，所以都建议加底的^_^菠菜面 ($12@)： 点过一次下次唔会再点，份量少得几离谱，味道不太突出，可不考虑。**限量金沙青 ($11@)：真系好对唔住我唔知佢系咩部位，但系呢好食! 都系爽口，有点点特别既味道，好难形容，如果食开内脏既朋友都会接受到的。**怀旧牛腩 ($11@)：好食! 真系好味! 不会觉得好肥，换黎既系好入味，肉质唔会难咬，会食唔停口，大推大推~*牛爽/ 牛舌芯 ($11@)：好食，好爽口，细细块不会咬到攰，同时同个汤底都好配合。*卤水猪大肠 ($11@)：唔臭，几干净，有惊喜，我会encore的，因为卤水够入味又唔会盖左猪大肠既味道，
^ 2/F 雅座
^枱面一角
**红菜头面 ($12@)：
好味，个texture 岩岩好，不会太软同时又唔会过份弹牙，份量一个面饼正常女仔会够食，但我第二次加底，亦唔会觉得太大负担，所以都建议加底的^_^
菠菜面 ($12@)：
点过一次下次唔会再点，份量少得几离谱，味道不太突出，可不考虑。
**限量金沙青 ($11@)：
真系好对唔住我唔知佢系咩部位，但系呢好食! 都系爽口，有点点特别既味道，好难形容，如果食开内脏既朋友都会接受到的。
**怀旧牛腩 ($11@)：
好食! 真系好味! 不会觉得好肥，换黎既系好入味，肉质唔会难咬，会食唔停口，大推大推~
*牛爽/ 牛舌芯 ($11@)：
好食，好爽口，细细块不会咬到攰，同时同个汤底都好配合。
*卤水猪大肠 ($11@)：
唔臭，几干净，有惊喜，我会encore的，因为卤水够入味又唔会盖左猪大肠既味道，正!
米糖卤鸡翼 ($11@)：
正正常常卤水鸡翼，淋身够入味，不错!
菜肉燕饺 ($11@)：
细细旧但系好食，不会好油既感觉，食落好顺口，如果平D就会更开心。
五香蝴蝶腩 ($11@)：
呢个系猪肉黎嫁，煮得好淋身，都几入味，不错，但会推荐上面既怀旧牛腩多一点。不过如果唔食牛既朋友可以try下呢个，都唔会后悔既。
**猪红 ($9@)：
呢个一定要写，因为我系好喜欢食猪红，都食过唔少外边既猪红，呢间同埋MOKO 楼梯下花园街卓悦对面个间明记都大推!! 系切薄身不会好死实，有个腥味但恰到好处，要encore!!!
*萝卜 ($9@)：
淋身够入味，萝卜味都会系番到，同个汤底好match，推荐!
墨鱼丸 ($9@)：
正常没什么特别，但是弹牙类的呢。
汤底 - 牛腩汁 ：赞赞~ 浓而不腻，不会见到一层肥油，会想一口接一口咁饮
汤底 –卤水汁：比起牛腩汁无咁浓，但系有秘制酱汁，如果两个fd 食一人叫一款汤就最好! 小辣的话，如果食开谭仔十小辣都会应付到的。
Overall 黎讲我都几满意呢到既食物质素，推荐坐上层会comfort D，装修都可以影下，几靓嫁。价钱中等啦，唔系平，但因为好味所以都会keep 住去。美中不足既就系一定要叫 3 个配菜，有时真系未必会人人拣到咁多野食呢~
PS. 名字旁有 ** 就系一定会encore，* 就系次等想encore 既。
--------------------------
小评分（ 10分满分）
食物 7.5
环境 7.5
味道 7.5
卫生 7.5
态度 5.5
地理位置 6
款式 6
Overall 7.5
--------------------------
张贴
