Pokka Cafe (已結業)

承接「美食篇」后，嚟到「甜品篇」！我们叫咗特色饮品本格咖啡朱古力雪糕特饮、朱古力曲奇豆乳布甸雪糕特饮同北海道朱古力冻饮！甜品士多啤梨夹饼缤纷乐园同绝味咖啡冻饼！朱古力曲奇豆乳布甸雪糕特饮口感好特别，浓郁嘅朱古力加埋软棉棉嘅豆乳布甸，真系回味无穷！北海道朱古力冻饮嘅卖相非常吸引，将浓郁嘅朱古力倒入去软滑嘅忌廉入面，再加埋香甜嘅棉花糖一齐饮，真系超正！甜品士多啤梨夹饼缤纷乐园真系份量十足，好少有实物会比餐牌嘅份量多，士多啤梨非常香甜新鲜，夹饼相当香脆松化！绝味咖啡冻饼嘅质感好软滑，入口慢慢溶化，咖啡嘅香味慢慢惨透出嚟，味道芳香浓郁，齿颊留香！好有特色，必定一试！店员嘅服务态度非常亲切有礼！